Тус сумын ИТХ-ын төлөөлөгч, Цаст цагаан уул төрийн бус байгууллагын тэргүүн, Цаст цагаан уул Чандмань хоршооны дарга Б.Эрдэнэбилэг нь "Хургалжийн гол"-д 2011 онд 2000 суулгац тариалсан нь энэ жил эхний ургацаа хураалаа. Одоо тус газарт 2 га талбайд 3250 суулгац ургаж байна. Чацаргана нь экологийн цэвэр бүтээгдэхүүн болохоос гадна хөрсийг торлон бэхэлж ургадаг байгаль орчинд онцгой ач холбогдолтой юм. Говь нутагтаа экологийн цэвэр жимс тариалан, байгаль хамгаалах үйлсэд үнэтэй хувь нэмэр оруулж байгаа танай хамт олонд ажлын амжилт хүсье.